Kung ang anak na banyaga ay nais ipasok sa elementarya ng munisipal ng Lungsod ng Nagoya, ay magpunta at mag-apply sa Residents Affairs Division (shimin-ka / 市民課) ng inyong lokal na sangay (shisho / 支所).

Maaari ring tanggapin sa paaralan ang batang wala pang resident registration.

Sa Lungsod ng Nagoya, ang maaaring pasukang elementarya ng munisipal ay nakatalaga na naaayon sa tinitirahang area. At hindi maaaring pumili ng nais pasukan na elementarya ng munisipal ng Lungsod ng Nagoya. At kung nais namang ipasok sa isang paaralan maliban sa paaralan ng munisipal ng Lungsod ng Nagoya ay dapat na direkta ninyong isagawa ang proseso ng pag-enroll para sa nais na paaralan.

Gayundin, sa Lungsod ng Nagoya ay nagsasagawa ng pagtatanong at pagkumpirma ng sitwasyon sa pagpapatala ng batang banyaga. At padadalhan ng questionnaire form ang isang pamilyang mayroong anak na maaaring pumasok sa buwan ng Abril sa susunod na taon para sa intensyon na makapag-enroll sa elementarya.

Hangad po namin ang inyong pakikipagtulungan sa pagkumpleto at pagsusumite ng inyong questionnaire form sa Residents Affairs Division (shimin-ka / 市民課) ng inyong ward office o kaya ay sa Community & Residents' Affairs Section, ng branch office.