Q.

Nakatira ako sa lungsod ng Nagoya. Makakatanggap ba ako ng anumang suporta kung ako ay apektado ng pinsala mula sa isang likas na sakuna?

 

A.

Sa bansang Japan, mayroon isang pampublikong sistema ng suporta para sa mga biktima ng kalamidad (Hisai-sha Shien Seido）upang makatulong sa muling pagsasaayos ng pamumuhay.

At para makatanggap ng suportang ito, karaniwan ay kinakailangang mag-aplay nang personal sa opisina ng lokal na pamahalaan ng iyong tinitirhan. Ipapaliwanag namin ang mga detalye tungkol sa sistema at kung paano mag-aplay nito.

 

1. Mga uri ng suporta sa biktima ng kalamidad

Bagamat maraming panukalang suporta ang magagamit kapag nangyari ang mga likas na sakuna, ang seksyon na ito ay pangunahing nakatuon sa mga panukala ng pagbibigay ng pera (na hindi kailangang bayaran).

※Ang mga sumusunod ay isang panukala ng sistema ng suporta na itinatag ng Lungsod ng Nagoya kapag nalalapat ang Disaster Relief Act (kapag kinikilala ng pambansang pamahalaan na ang sakuna ay napakalubha).

 

■Perang ibinibigay para sa pakikiramay sa kalamidad (Saigai Choi-kin)：

Ito ay ibinabayad sa mga naulilang pamilya ng mga namatay dahil sa kalamidad.

■Support Grant para sa rekonstruksyon ng kabuhayan ng mga biktima ng kalamidad (Hisai-sha Seikatsu Saiken Shien-kin):

Ito ay ibinabayad sa mga sambahayan na ang mga tahanan ay nakaranas ng malaking pinsala (tulad ng ganap na pagkawasak o higit sa kalahati ng tahanan ay wasak).  

■Consolation Grant for Disaster（Saigai Mimai-kin）:

Magbibigay ng konsolasyong bayad sa mga sambahayan na dumanas ng malaking pinsala mula sa tubig, tulad ng pagpasok ng malaking pinsala dulot ng tubig sa loob ng kanilang tahanan

■Consolation Grant for Disaster Disabilities（Saigai Shogai Mimai-kin）

Magbibigay ng konsolasyong bayad sa mga dumaranas ng malubhang kapansanan sa pag-iisip o pisikal na pinsala na dulot ng sakuna.

  

Bukod pa dito, mayroon ding iba't ibang sistema o programa na magagamit, tulad ng tulong sa pagliligpit o pag-alis ng mga hadlang (tulad ng mga bato o lupa) mula sa inyong tahanan, simpleng pag-aayos ng bahay, insurance at mga tax exemption, at mga pagpapautang sa mga pamilyang nag-iisa ang magulang at balo (mga walang asawa, babae man o lalaki, dahil sa pagkamatay o diborsyo). Matatagpuan sa website na nasa ibaba ang patungkol sa suporta ng Lungsod ng Nagoya para sa mga biktima ng sakuna o kalamidad. (magagamit lamang ang listahan sa wikang Hapon)

https://www.city.nagoya.jp/bosaikikikanri/page/0000159186.html

※Ang bawat sistema o programa ay may kanya-kanyang kundisyon at mga kinakailangan sa pagiging karapat-dapat, at hindi lahat ay maaaring makagamit nito anumang oras.

 

★Ang mga dayuhan na apektado ng sakuna o kalamidad ay maaaring bigyan ng espesyal na trato tulad ng pag-aaplay ng "Status of Residence" kahit lipas na ang nakatalagang panahon nito.(expired)

 

2. Ang mga hakbang na dapat gawin upang makatanggap ng suporta ang mga biktima ng kalamidad.

Kapag mag-aaplay para sa isang sistema ng suporta ay kakailanganin mong magsumite ng "Sertipiko ng pinsala ng kalamidad" (Risai Shomei -sho) bilang dokumento.

Upang makatanggap ng tulong, ang unang hakbang ay ang pag-aplay para sa isang sertipiko ng pinsala ng kalamidad.

 

Ang sertipiko ng pinsala ng kalamidad (Risai Shomei -sho) ay isang dokumento na tumutukoy o nagpapatunay ng malaking pinsala (scale of damage) na natamo ng iyong tahanan bilang resulta ng isang kalamidad. Kapag nag-a-aplay para sa sertipiko, kinakailangan ng mga larawang nagpapakita ng pinsala. Samakatuwid, napakahalaga na kumuha ng mga litrato ng mga pinsala sa loob at labas ng bahay bago linisin ito.

Sa lungsod ng Nagoya, maaari kang mag-aplay ng sertipiko sa General Affairs Division ng inyong ward o kaya ay sa online (aabisuhan ka sa mga oras ding iyon, tungkol sa pamamaraan ng aplikasyon, kung sakaling magkaroon ng malaking sakuna)

Maaari mong i-download ang application form "Disaster Victim Certificate Issuance Application form" mula sa website na nasa ibaba. (ang application form ay sa Japanese lamang)

https://www.city.nagoya.jp/sportsshimin/page/0000161325.html

※Ang sertipiko ay ibinibigay kasunod ng isang on-site na inspeksyon ng isang imbestigador upang siyasitin ang pinsala. Ang prosesong ito ay magtatagal dahil sa pag-iiskedyul at mga inspeksyon.

 

Kapag naibigay ang"Sertipiko ng pinsala ng kalamidad" ito ay tutukuyin bilang isa sa anim na antas ng pinsala, gaya ng "kabuuang pagkasira "o "partial damage". Ang pagpapasyang ito ay tutukuyin kung ikaw ay karapat-dapat tumanggap ng tulong mula sa Disaster Victim Support Scheme, at kung mangyaring ika'y karapat-dapat, ang maging halaga ng anumang mga benepisyo o pautang na matatanggap ay mag-iiba.  

Ganap na nawasak	Bahagyang malaki ang pagkasira	Bahagyang katamtaman ang pagkasira	Bahagyang pagkasira	Kaunting pagkasira	Maliit na pagkasira
50%o higit pa	40% o higit pa ngunit mas mababa sa 50%	30% o higit pa ngunit mas mababa sa 40%	20% o higit pa ngunit mas mababa sa 30%	10% o higit pa ngunit mas mababa sa 20%	mababa sa 10%

※Para sa karagdagang impormasyon, mangyaring sumangguni sa webpage (tanggapan ng gabinete) na nasa ibaba hinggil sa Impormasyon sa pag-iwas sa kalamidad.

   https://www.bousai.go.jp/taisaku/unyou.html

 

★Ang NIC ay naglathala ng isang webpage na mayroon mga links sa pag-iwas sa sakuna at mga materyales sa pagbibigay-kaalaman sa kalamidad para sa mga dayuhan.

・Mga materyales sa pagbibigay-kaalaman sa pag-iwas sa kalamidad para sa mga dayuhan: https://x.gd/3nhyL

・Mga link ng impormasyong nauugnay sa kalamidad (magagamit ang maraming wikang nilalaman sa bawat pahina ng wika)：https://x.gd/i68b6